Politika e privatësisë

Kush i përpunon të dhënat

Kontrolluesi i të dhënave është Verba Center SH.P.K., me seli në Rr. Qazim Dobërdelani, 22. Për çdo pyetje rreth të dhënave personale, na shkruani në info@verbacenter.com ose telefononi në +383 49 633 328.

Ky njoftim shpjegon çfarë të dhënash mbledhim kur një fëmijë ndjek shërbimet tona, pse i mbledhim dhe cilat janë të drejtat tuaja si prind ose kujdestar.

Çfarë të dhënash mbledhim

Mbledhim vetëm ato të dhëna që na duhen për të ofruar shërbimin dhe për të mbajtur një dosje profesionale të saktë.

• Për fëmijën: emri, mbiemri, data e lindjes, statusi i ndjekjes dhe shënime operative që ndihmojnë stafin.
• Për kujdestarin: emri, numri i telefonit, emaili dhe mënyra e preferuar e kontaktit.
• Për shërbimin: seancat, prezenca, seancat, qëllimet terapeutike, vlerësimet, përparimi dhe raportet.
• Për financat: faturat, pagesat, paketat e seancave dhe bilanci i tyre.
• Dokumentet që ju ose stafi ngarkoni për fëmijën, si pëlqimet dhe raportet.
• Incizime të zërit të fëmijës: ato që terapisti bën para dhe pas terapisë, vetëm pasi ju jepni pëlqimin, dhe ato që ju dërgoni nga shtëpia kur fëmija bën ushtrimet.
• Të dhëna teknike minimale: një cookie sesioni që mban stafin të kyçur, dhe një gjurmë auditimi e veprimeve të stafit brenda sistemit.

Të dhëna të kategorisë së veçantë

Shënimet klinike, vlerësimet logopedike dhe raportet e përparimit janë të dhëna shëndetësore. Ligji i trajton këto si kategori të veçantë dhe kërkon mbrojtje më të lartë.

I përpunojmë vetëm mbi bazën e pëlqimit tuaj të shprehur me shkrim dhe vetëm për ofrimin e shërbimit terapeutik ose mësimor. Pëlqimi regjistrohet dhe mund të tërhiqet në çdo kohë.

Kush ka qasje

Qasja jepet sipas rolit dhe sipas nevojës për të punuar, jo sipas kërkesës. Kufizimi zbatohet në bazën e të dhënave, jo vetëm në ndërfaqe: një përdorues që nuk ka të drejtë të shohë një dosje nuk e merr atë as nëse e kërkon drejtpërdrejt.

• Logopedi dhe mësimdhënësi shohin vetëm fëmijët që u janë caktuar.
• Recepsioni sheh seancat dhe kontaktet, jo shënimet klinike.
• Financat shohin faturat dhe pagesat, jo përmbajtjen e seancave.
• Administratorët kanë qasje më të gjerë, e cila regjistrohet në gjurmën e auditimit.

Ku ruhen të dhënat

Të dhënat ruhen te Supabase, një ofrues i infrastrukturës së bazës së të dhënave, në Bashkimi Evropian (Paris, Francë). Skedarët ruhen në një hapësirë private dhe hapen vetëm me lidhje të përkohshme, të autorizuara - asnjë dokument i fëmijës nuk është publik.

Emailet transaksionale dërgohen përmes Resend. Atyre u dërgohet adresa e marrësit dhe përmbajtja e mesazhit, asgjë më shumë.

Aplikacioni Verba Center

Aplikacioni në telefon përdor të njëjtat të dhëna dhe të njëjtat rregulla qasjeje si portali në web. Ai nuk mbledh të dhëna shtesë për reklama dhe nuk përdor mjete të palëve të treta për të ndjekur përdorimin.

• Në telefon ruhet sesioni i hyrjes dhe një kopje e fundit e listave (terminet, bisedat), që aplikacioni të hapet shpejt. Ato fshihen kur dilni nga llogaria.
• Kamera, galeria e fotove dhe mikrofoni hapen vetëm kur ju zgjidhni vetë të dërgoni një foto ose mesazh zanor në bisedë me qendrën, ose të incizoni fëmijën duke bërë një ushtrim për terapistin. Asgjë nuk incizohet në sfond.
• Fotot dhe mesazhet zanore që dërgoni ruhen në hapësirën private të bisedës dhe i shohin vetëm ju dhe stafi që punon me fëmijën.

Fshirja e llogarisë

Mund ta kërkoni fshirjen e llogarisë në çdo kohë: në aplikacion te Profili, Fshij llogarinë, ose në faqen Fshij llogarinë të këtij uebsajti (/fshi-llogarine) pasi të hyni. Kërkesa shkon menjëherë te administrata, e cila e mbyll llogarinë dhe ju njofton.

Me fshirjen e llogarisë mbyllet hyrja juaj dhe hiqen nga bisedat mesazhet, fotot dhe incizimet që keni dërguar. Kontratat dhe faturat (me emrin dhe telefonin tuaj) dhe dosja klinike e fëmijës ruhen aq sa e kërkon ligji.

Sa gjatë i ruajmë

Incizimet e zërit që stafi bën para dhe pas terapisë janë pjesë e dosjes së fëmijës: ruhen sa kohë ekziston dosja dhe fshihen bashkë me të, edhe skedarët e tyre.

Incizimet e ushtrimeve që dërgoni nga shtëpia ruhen 180 ditë nga dita kur i dërgoni dhe pastaj fshihen vetë. Mund t'i fshini edhe më herët, në çdo kohë.

Dosja klinike e fëmijës (seancat, qëllimet, vlerësimet, raportet), pëlqimet, kontratat, faturat dhe pagesat ruhen sa kohë fëmija ndiqet në qendër, dhe pas kësaj aq sa e kërkon ligji për dokumentet shëndetësore dhe financiare.

Bisedat me qendrën, me fotot dhe mesazhet zanore, ruhen sa kohë llogaria juaj është aktive. Kur kërkoni fshirjen e llogarisë, hyrja juaj mbyllet dhe mesazhet, fotot dhe incizimet që keni dërguar hiqen nga bisedat; kontratat, faturat dhe dosja klinike ruhen sipas paragrafit më sipër.

Të drejtat tuaja

• Të kërkoni një kopje të të dhënave që mbajmë për fëmijën tuaj.
• Të kërkoni korrigjimin e çdo të dhëne të pasaktë.
• Të kërkoni fshirjen, aty ku nuk kemi detyrim ligjor ose profesional ta ruajmë dosjen.
• Të tërhiqni pëlqimin për përpunimin e të dhënave shëndetësore, pa ndikuar në ligjshmërinë e përpunimit para tërheqjes.
• Të kundërshtoni ose të kërkoni kufizimin e përpunimit.
• Të ankoheni te autoriteti mbikëqyrës për mbrojtjen e të dhënave personale.

Inteligjenca artificiale

Kur përdorim mjete me inteligjencë artificiale për të përgatitur draft materiale ose përmbledhje, dërgojmë sa më pak të dhëna personale të jetë e mundur dhe përdorim identifikues të brendshëm në vend të emrave kur kjo është e mjaftueshme.

Çdo tekst i gjeneruar është draft. Ai shënohet qartë si i tillë dhe nuk ruhet si pjesë e dosjes derisa të rishikohet dhe miratohet nga profesionisti përgjegjës. Inteligjenca artificiale nuk vendos diagnoza dhe nuk ndryshon plane klinike.